Türkiyədə MasterChef qalibi, məşhur aşpaz Serhat Doğramacının yeni açılan hamburger restoranı gecə saatlarında naməlum şəxslər tərəfindən atəşə tutulub.
Medianews.az xəbər verir ki, insident İstanbulun Beylikdüzü rayonunda baş verib.
Eyni vaxta onun ortaqlarına məxsus olan yaxınlıqdakı kafe də hədəf alınıb.
Hadisə nəticəsində xəsarət alan olmasa da, hər iki obyektə ciddi maddi ziyan dəyib.
Məlumata görə, hücumdan əvvəl xarici ölkədən sahibkarlar zəng edərək onlardan pul tələb ediblər. Polis hadisəni şantaj və təhdid hadisəsi kimi araşdırır.
Hadisə ilə bağlı istintaq davam edir.
Medianews.az