“Vilnüs Minsklə normal münasibətlərə nail olmaq istəyirsə, Litva Belarusla danışıqlara başlamalıdır”.
Medianews.az xəbər verir ki, bunu Belarus prezidenti Aleksandr Lukaşenko deyib.
"Biz Litva xalqı ilə hər zaman razılığa gələcəyik. Necə ki, polyaklar kimi. Onlar bizimkilərdir. Əgər münasibətlərin normal olmasını istəyirsinizsə, danışıqlar masasına oturun və bu məsələləri müzakirə edin. Biz buna hazırıq. Başqa variant yoxdur", - o deyib.
Dövlət başçısının sözlərinə görə, Minsk bütün sahələrdə normal münasibətlər qurmağa hazırdır.
O, həmçinin qeyd edib ki, Litva nümayəndələri Belarusda sərhəd bağlanandan sonra tərk edilmiş yük maşınları barədə çox səs-küy yaradıblar. Prezident izah edib ki, onları mühafizə olunan dayanacaqlara aparıblar.
O, həmçinin Belarus hakimiyyətinin tez xarab olan malları almağa hazır olduğunu qeyd edib və vurğulayıb ki, bu məsələnin həllinə Rusiya, ABŞ və ya Ukraynanı cəlb etməyə ehtiyac yoxdur, çünki bu, iki ölkə arasındakı münasibətlər çərçivəsindədir.
Medianews.az
