Ətraf mühit və sağlamlıq üzrə ekspertlər evdə uzun müddət saxlanılan boş şüşə qabların bakteriya, kif, qoxu və nəm yaratdığını bildirilərək, istifadə olunmayacaq bankaların atılmasını tövsiyə ediblər.
Mütəxəssislərin sözlərinə görə, xüsusilə qış aylarında istifadə edilmədən saxlanılan bankalar daxili səthlərində görünməz nəm toplayaraq mikroorqanizmlərin artmasına səbəb olur. Bu isə həm evin rütubət balansını pozur, həm də qapalı məkanlarda xoşagəlməz qoxular yaradır.
Ekspertlər xəbərdarlıq edirlər ki, şüşə qabların yanlış istifadəsi də ciddi təhlükələr doğurur. Bəzi insanların bankaları kimyəvi maddələr, yağlar və təmizləyici vasitələr üçün istifadə etməsi sonradan həmin qabların qida məqsədilə istifadəsini təhlükəli edir və zəhərlənməyə yol aça bilər.
Mütəxəssislər çağırış edirlər: "Evdə lazımsız, istifadə olunmayacaq şüşə bankaları saxlamayın. Onları atın, amma mütləq təkrar emala verin."
Onların fikrincə, evdə təmiz mühitin və nizamlı saxlama şəraitinin qorunması həm gigiyena, həm də ümumi həyat keyfiyyəti üçün vacibdir.
