BMT-nin İraq üzrə Xüsusi Komissiyasının keçmiş kütləvi qırğın silahları müfəttişi Skott Ritter ABŞ-ın İranla müharibə zamanı F-35 təyyarəsini itirməsinin səbəbini izah edib.
Medianews.az xəbər verir ki, o, bu barədə TASS-a müsahibəsində danışıb.
Ritterin sözlərinə görə, ABŞ artıq bütün uzaqmənzilli zərbə silahlarını tükəndirib. Nəticədə, Amerika təyyarələri bomba ata bilmək üçün İrana daha yaxın uçmaq məcburiyyətində qalır.
“Və bu yaxınlarda gördük ki, iranlılar artıq təyyarələrimizi hava hücumundan müdafiə sistemləri ilə vurmağa başlayır və hətta tarixdə ilk dəfə olaraq F-35-i vurublar”, – deyə Ritter bildirib.
O, ABŞ-ın müharibə zamanı həqiqətən də bəzi uğurlar qazandığını, lakin İranın müdafiə sənayesinin hələ də məhv edilmədiyini vurğulayıb, çünki bütün bu cür obyektlər köçürülüb və gizlədilib.