"Evdə və ofisdə optimal rütubət səviyyəsi 40-60 faiz arasında olmalıdır. Payız-qış aylarında 30-60 faiz, isti aylarda isə 30-65 faiz məqbuldur. Bunu xüsusi hiqrometr adlanan cihaz vasitəsilə ölçmək olar".
Medianews.az xəbər verir ki, bunu həkim Anastasiya Ağayeva deyib.
O, qeyd edib ki, otaqda bu göstəricinin dəyişməsinə bir çox amillər, o cümlədən bölgənin iqlimi, mövsüm, istilik, kondisioner və buxar təmizləyici kimi müəyyən məişət cihazlarının istifadəsi təsir edə bilər.
Həkim həmçinin xəbərdarlıq edib ki, qapalı məkanda yüksək rütubət kif sporlarının böyüməsinə və çoxalmasına səbəb olur. Bu, sağlamlığa ciddi zərər verə bilər, məsələn, immunitet sistemini zəiflədə bilər, astma, bronxit və xroniki obstruktiv ağciyər xəstəliklərini ağırlaşdıra, gözlərin və dərinin iltihabına səbəb ola bilər.
Terapevtin fikrincə, həddindən artıq quru qapalı hava heç də az təhlükəli deyil. Burun mukozasının qoruyucu funksiyasını zəiflədir, tənəffüs yoluxucu infeksiyalar riskini artırır. Qeyri-kafi hava rütubəti də quru dəri, atopik dermatit, quru göz sindromu, allergiya və astmanın kəskinləşməsinə səbəb ola bilər.
Medianews.az
