Mütəxəssislər xəbərdarlıq edir ki, toyuq əti düzgün bişirilmədikdə salmonella və digər bakteriyalar sürətlə çoxalır və ciddi qida zəhərlənməsi riski yaradır.
Medianews.az xəbər verir ki, az bişmiş və ya içi çiy qalan toyuq ən təhlükəli variant sayılır.
Bu üsullardan uzaq durun:
- Toyuğu “sulu qalsın” deyə az bişirmək təhlükəlidir – ətin içində qalan çəhrayı hissələr bakteriya daşıyır.
- Mikrodalğada bişirmə toyuğu bərabər qızartmadığı üçün içi çiy qalır və salmonella riskini artırır.
- Toyuğu limon və sirkə ilə qısa müddət bişirmək bakteriyaları öldürmür, sadəcə dad verir.
Ən doğru üsul:
Toyuğun iç temperaturu mütləq 75°C-ə çatmalıdır. Bunun üçün mətbəx termometri istifadə edilməli və xüsusilə döş, bud və omba hissələrinin tam bişdiyinə əmin olunmalıdır.
Mütəxəssislər həmçinin toyuğu bişirmədən əvvəl yumağı qətiyyən tövsiyə etmir – su sıçraması bakteriyaları mətbəxə yayır. Çiy toyuq üçün istifadə edilən bıçaq və doğrama taxtası isə digər qidalardan ayrı saxlanmalıdır.
Medianews.az
