Noyabrın 30-u Milli Şuranın sədri Cəmil Həsənli Dövlət Təhlükəsizliyi Xidmətində (DTX) şahid qismində dindirilib.
Medianews.az xəbər verir ki, ifadəsi alınandan sonra C.Həsənli sərbəst buraxılıb.
Özünün yaydığı məlumata görə, dindirmə Prezident Administrasiyasının sabiq rəhbəri Ramiz Mehdiyevə qarşı başlanmış cinayət işi ilə bağlı olub. C.Həsənli ona Ziyalılar Forumu, Milli Şura, vaxtilə Rusiyada yaradılmış “Milyarderlər ittifaqı”, 2013-cü ilin prezident seçkiləri, seçkilərdə prezidentliyə namizəd göstərilməsi və sair məsələlərlə bağlı suallar verilib: “Mən də müvafiq qaydada cavablar verdim, dəqiqləşmələr apardım. Tez-tez Ziyalı Forumu və Milli Şuranın haradan maliyələşməsi ilə maraqlanırdılar”.
