Dağıstandakı daşqınlar nəticəsində altı nəfər ölüb, 200-dən çox insan xilas edilib.
Medianews.az xəbər verir ki, bu barədə Rusiya fövqəladə hallar naziri Aleksandr Kurenkov Rusiya Prezidenti Vladimir Putin ilə regiondakı vəziyyətə dair keçirilən müşavirədə bildirib.
"Hazırda Dağıstan Respublikasının 10 yaşayış məntəqəsində 2 mindən çox ev və həyətyanı sahə su altında qalmaqdadır. Vəziyyətin sürətlə inkişaf etməsinə baxmayaraq, təxliyə vaxtında həyata keçirilib. Zərərçəkmiş vətəndaşların qəbulu üçün 55 müvəqqəti yerləşdirmə məntəqəsi açılıb", - deyə nazir məruzə edib.