111 yaşlı qadın uzunömürlülüyünün sirrini AÇIQLADI

111 yaşlı britaniyalı qadın uzunömürlülüyünün sirrini açıb. Medianews.az “Lenta.ru”ya istinadən xəbər verir ki, bu barədə Need To Know yazıb. Hilda Lak 1914-cü ildə Kentdə anadan olub. Birinci Dünya Müharibəsi başlayandan sonra ailəsi Şotlandiyaya köçüb, atası burada gəmiqayırma zavodunda işləyib. Daha sonra onlar Kentə qayıdıblar və İkinci Dünya Müharibəsi zamanı Lak özü Çatemdakı gəmiqayırma zavodunda işləyib. Məhz orada gələcək əri ilə tanış olub. Onlar Rainham şəhərində məskunlaşdılar və iki oğul valideynləri oldular. Qadın uzunömürlülüyünə səbəb kimi şokolad sevgisini və sevgi romanları oxumasını göstərib. Bundan əlavə, britaniyalı qadın heç vaxt siqaret çəkməyib və spirtli içki qəbul etməyib. Need To Know qeyd etdiyi kimi, Lak Böyük Britaniyada altıncı ən yaşlı insandır. Medianews.az