Media
Birləşmiş Millətlər Təşkilatının Təhsil, Elm və Mədəniyyət Təşkilatı (UNESCO) İstanbul, Marsel və İsgəndəriyyə üçün sunami təhlükəsi ilə bağlı xəbərdarlıq edib.
Medianews.az xəbər verir ki, təşkilat qeyd edib ki, yaxın 30 ildə bu üç şəhərdə bir metri keçən sunami ehtimalı demək olar ki, 100 faizdir.
Aralıq dənizi və yaxın bölgələrdə dəniz səviyyəsinin qalxdığına diqqət çəkən UNESCO, okean sahilində yerləşən ölkələrdə sunami riskinə qarşı tədbirlərin görüldüyünü, lakin digər bölgələrdə də oxşar hazırlıqların görülməsinin lazım olduğunu bildirib.
UNESCO-nun sunami təhlükəsi ilə bağlı xəbərdarlıq etdiyi şəhərlər arasında Atlantik okeanında yerləşən Fransanın Kann və İspaniyanın Çipiona şəhərləri ilə yanaşı, İstanbul da var.
Xatırladaq ki, UNESCO bu yaxınlarda bütün dünyada “sunami hazırlığı” proqramına başlamışdı.
UNESCO, sunamilərin 78 faizinin zəlzələ kimi seysmik hərəkətlər, 10 faizinin vulkanik hadisələr və sürüşmələr, 2 faizinin isə meteoroloji hadisələrin səbəb olduğunu vurğulayıb.
Leyla
