Qərbi Afrikada yayılan Ebola virusu ilə bağlı Dünya Səhiyyə Təşkilatı yeni məlumat yayıb.
AzVision.az xəbər verir ki, təşkilatın yaydığı məlumata əsasən, Ebola virusundan ölənlərin sayı 2097-ni keçib. Ölənlərin 40%-i son üç həftədə qeydə alınıb. Ümumilikdə isə, bu virusa 3944 nəfər yoluxub. Həkimlərin virusun yayılma arealının qarşısını almaq üçün hərbi dəstəyin lazım olduğunu bildirir. Syerra-Leone və Liberiyada virusa yoluxanların sayı artıq 3500-ü keçib. Səhiyyə təşkilatı həyəcan təbili çalaraq dünyanın Ebola ilə mübarizəni uduzmaq üzrə olduğunu bildirib.