Müğənnilər Demet Akalın və Berkay Şahin 6 illik küsülülüyə son qoyub.
Musavat.com xəbər verir ki, sənətçilər menecer Özgür Arasın vasitəçiliyi ilə Ankara Hava Limanında barışıb.
Müğənnilər göz yaşları içində bir-birini qucaqlayıb.
Aras bu görüntüləri sosial şəbəkədə paylaşıb.
Demet Akalın öz sevincini sosial media hesabında “Nə gözəl şənbə. Çox darıxmışdım. Ümrə dönüşüm savaba yazıldı” sözlərini yazmaqla ifadə edib.
Demet Akalın ilə Berkay arasında gərginlik 2019-cu ildə yaşanıb. Həmin dövrdə Akalın Berkayın həyat yoldaşı Özlem Ada Şahinə ad günü hədiyyəsi olaraq lüks bir saat almış, lakin cütlüyün bu saatı satmaq istədiyi iddia edilmişdi. Bu xəbər Akalını hiddətləndirmiş və tərəflər arasında qarşılıqlı sərt sözlər səsləndirilmişdi.
Şahin cütlüyü saatı satmaq yox, dəyişdirmək istədiklərini bildirsə də, dostluq illərlə bərpa olunmamışdı.
