Yazıçı Zahid Sarıtorpaq Azərbaycan Yazıçılar Birliyindən çıxıb.
Musavat.com xəbər verir ki, bu barədə yazar sosial media hesabında qeyd edib.
O bildirib ki, Birlikdən ayrılmasına səbəb üzvlük haqqı deyil:
"Son qərarımı verdim: AYB üzvlüyündən imtina edirəm. 37 ildir bu qurumun üzvü idim. Getməyim heç də üzvlük haqqı ödəməklə bağlı deyil, o, cüzi məbləğdir, lazım bilsəydim, ödəyərdim. Səbəblər var, sadəcə, açıb-ağartmıram. Nə isə. Fikrimi ilk dəfə burdan bildirirəm: xoşca qalın, getdim".
Qeyd edək ki, AYB üzvlük haqqı ödəməyən yazıçılara xəbərdarlıq edib və onlara fevralın 1-nə qədər vaxt qoyub. Birlikdən bildirilib ki, ödəniş etməyən yazıçıların adları əlifba sırası ilə dərc olunacaq və onlar xaric olunacaqlar.
