Yanvar ayında Windows 11 yeniləməsində çoxsaylı səhvlər aşkar edilib.
Medianews.az xəbər verir ki, bu barədə Windows Latest yazır.
İlin əvvəlində şirkət əməliyyat sistemi üçün KB5074109 yeniləməsi buraxıb. Media redaktoru Mayank Parmar çoxsaylı səhvlərə görə yeniləməni fəlakətli və kabus adlanıdıb. Microsoft bəzi problemləri etiraf edib və onları həll edəcəyinə söz verib.
Jurnalist qeyd edib ki, yeniləmə bu yaxınlarda yayımlanıb, lakin Microsoft artıq üç əməliyyat sistemi problemini etiraf edib. Bunlara daxili Outlook e-poçt xidmətini sıradan çıxaran xəta daxildir. Şirkət həmçinin fərdi kompüterin söndürülməsinə mane olan yuxu rejimi problemlərini və Citrix Director nasazlığını da etiraf edib.
Məqalədə bildirilir ki, yeniləmənin çoxlu sayda səhvi narahatlıq doğurur. Parmar deyib ki, istifadəçilər KB5074109 yeniləməsini quraşdırdıqdan sonra dəhşətli təcrübələrini bölüşmək üçün daim onlarla əlaqə saxlayırlar. O əlavə edib ki, problem yanvar ayı yeniləməsinin məcburi olması, yəni ondan imtina edilə bilməməsi ilə daha da ağırlaşır.
Microsoft, ehtimal ki, 10 fevral 2026-cı il tarixində keçirilməsi planlaşdırılan növbəti yeniləmədə Windows-u qismən düzəldəcək.
Medianews.az
