Qırğızıstan xarici İşlər naziri Jenbek Kulubayev ölkələri 2027-2028-ci illər üçün BMT Təhlükəsizlik Şurasının qeyri-daimi üzvü seçkilərində ölkəsinə səs verməyə çağırıb.
Teleqraf xəbər verir ki, bu barədə o, Bişkekdə xarici diplomatlarla görüşündə bildirib.
“Qırğızıstan 2027-2028-ci illər üçün BMT Təhlükəsizlik Şurasının qeyri-daimi üzvü vəzifəsinə namizədliyini irəli sürüb. Seçkilər iyunun 3-də Nyu-Yorkda keçiriləcək, bütün dostlar və tərəfdaşlarımızdan dəstək və səs qazanmaq üçün əlimizdən gələni edəcəyik. Səmimi şəkildə ümid edirik ki, siz bizim bu nüfuzlu beynəlxalq orqana seçilmək hüququmuza dəstək verəcəksiniz”, - o deyib.
Kulubayev təəssüf hissi ilə qeyd edib ki, görüşdə iştirak edən bütün ölkələr Qırğızıstanın namizədliyini dəstəkləmir. Buna görə də o əlavə edib ki, Qırğızıstan hər bir ölkənin mümkün töhfəsinə ümid edir və xarici dövlət mərkəzlərindən müsbət cavabların alınmasına kömək etmələrini istəyir.
