“Neftçi” Əbu-Dabi toplanışı çərçivəsində ikinci yoxlama oyununa çıxıb.
“Qafqazinfo” xəbər verir ki, “ağ-qaralar” bu gün “Piramids”lə (Misir) üz-üzə gəlib.
“Məhəmməd bin Zayed” stadionunda keçirilən matç 1:1 hesablı heç-heçə ilə yekunlaşıb. “Neftçi”nin yeganə qolunu 87-ci dəqiqədə Murad Məmmədov vurub.
“Pramids” hazırda Misir Premyer Liqasında 12 oyuna 27 xalla 2-ci pillədə qərarlaşıb. “Neftçi” isə 16 turdan sonra 20 xalla 8-cidir.
Qeyd edək ki, ilk sınaq matçında “Kayrat”a (Qazaxıstan) 3:0 hesabı ilə qalib gələn “Neftçi” yanvarın 16-da keçiriləcək sonuncu oyununda Çinin “Çenqdu Ronqçenq” klubu ilə üz-üzə gələcək.
