Türkiyənin xarici işlər naziri Hakan Fidan Qəzza Sülh Şurasında iştirak edəcək.
Publika.az xəbər verir ki, bu barədə Türkiyə prezidenti Rəcəb Tayyib Ərdoğan məlumat yayıb.
"Hakan Fidan da prosesdə iştirak edərək Türkiyəni təmsil edəcək", - deyə o, jurnalistlərə açıqlamasında bildirib.
Qeyd edək ki, Fidanın Qəzzada təhlükəsizliyin təmin edilməsi, mülki administrasiyanın qurulması və beynəlxalq yardımın əlaqələndirilməsi kimi şura daxilindəki texniki və siyasi proseslərlə bağlı Türkiyənin fikirlərini müdafiə etməsi gözlənilir.
