ABŞ-də iki şəxsin avtomobillə bankomat oğurlamaq cəhdi mağazanın dağılmasına səbəb olub.
Medianews.az xəbər verir ki, hadisə Texas ştatının Uayt Settlement şəhərində, yanacaqdoldurma məntəqəsinin yaxınlığındakı 7-Eleven mağazasına baş verib.
Cinayətkarlar əvvəl bir avtomobili oğurlayıblar və onunla hadisə yerinə gəliblər. Onlar mağazanın qapını sındırıblar, bankomatı trosla maşına bağlayıblar və maşını bərk sürüblər.
Bankomatın ağırlığına tab gətirməyən tros qırılıb. Nəticədə bankomat demək olar ki, bütün mağazanı: rəfləri, pəncərələri və qapıları sıradan çıxarıblar, lakin oğrular sonda qənimətlərini itiriblər.
Oğrular geri qayıtmayıblar.
Heç kim xəsarət almayıb, lakin mağazaya ciddi maddi ziyan dəyib.
Medianews.az
