“Alkoqol valideynlərinizi və ev heyvanlarınızı unutdurur”.
Medianews.az xəbər verir ki, bunu həkim Xose Manuel Feliçe deyib.
Onun sözlərinə görə, alkoqol qəbul etdiyiniz zaman beynin yaddaşdan məsul olan hissəsindəki reseptorlar bloklanır və beynin "yadda saxla" düyməsini basmasına mane olur. Məhz bu, sərxoş vəziyyətdə keçirilən bir günün tipik yaddaş itkisinə səbəb olur.
Həkimin sözlərinə görə, hər dəfə spirtli içki qəbul edildikdə beyin neyronları atrofiyaya uğrayır. Bu proses köhnə xatirələrin itirilməsinə səbəb olur.
“Alkoqol xoşagəlməz təcrübələri unutmağa kömək edə bilər, eyni zamanda valideynlərinizi, ev heyvanlarınızı və həyatınızdakı ən xoşbəxt anları unutdurur", - deyə mütəxəssis yekunlaşdırıb.
Medianews.az
