Bakıda qadını döyən, digər iki nəfərə xəsarət yetirənlər saxlanıldılar

Oktyabrın 21-də saat 3 radələrində paytaxtın Xətai rayonu ərazisində yerləşən restoranların birində 2000-ci il təvəllüdlü qadının döyülməsi, 1984-cü il təvəllüdlü Ş.Mustafayevə və 1994-cü il təvəllüdlü F.İsmayılova kəsici alətlə xəsarətlər yetirilməsi barədə polis məlumat daxil olub. Bu barədə Medianews.az-a Daxili İşlər Nazirliyindən (DİN) bildirilib. Vurğulanıb ki, polis əməkdaşlarının keçirdikləri tədbirlərlə əməli törətməkdə şübhəli bilinən, biri əvvəllər məhkum olunmuş şəxs olmaqla 5 nəfər müəyyən olunaraq saxlanılıb. Faktla bağlı araşdırma aparılır.