İranda dəhşətli partlayış – Yaralılar var

İranın Fars əyalətinin Firuzabad şəhərində natrium karbonat zavodunun ammonyak anbarında partlayış baş verib.

Medianews.az xəbər verir ki, Fars Dövlət Böhran Masası müdiri Xəlil Abdullahi verdiyi açıqlamada partlayışda can itkisinin olmadığını, lakin fabrikdən sızan zəhərli qaz səbəbindən indiyədək 72 nəfərin xəstəxanaya yerləşdirildiyini bildirib.

Fars Dövlət Qızıl Aypara Cəmiyyətinin direktoru Hüseyn Dərvişi yayılan zəhərli qaz səbəbindən ərazinin nəqliyyata bağlandığını bildirərək, “indiyə qədər zəhərli qazdan 72 nəfər yaralanıb. Daha böyük böhranla üzləşməmək üçün fabrikə gedən bütün nəqliyyat xətləri bağlanıb”.

Qeyd edək ki, fabrikdə səbəbi hələlik məlum olmayan partlayışla bağlı araşdırmalara başlayıb və  yanğınsöndürənlər tərəfindən yanğının söndürülməsi, zəhərli qazların təmizlənməsi işləri davam edir.

Leyla, Medianews.az