İspaniya Superkuboku: "Real" - "Atletiko" oyununda 2 qol...(video)

Ötən gecə İspaniya Superkubokunun ilk oyunu keçirilib. Qol.az-ın məlumatına görə, fəxri mükafat uğrunda son Kral Kubokunun qalibi Madridin “Real” klubu ilə ölkə çempionu “Atletiko”(Madrid) üz-üzə gəliblər. Görüş 1:1 hesablı bərabərliklə başa çatıb. Komandalar arasında cavab oyunu avqustun 23-də keçiriləcək. Xatırladaq ki, “Atletiko” tarixi ərzində yalnız bir dəfə - 1985-ci ildə İspaniya Superkubokunu qazanıb. "Real" isə buna qədər 9 dəfə bu mükafa sahib olub. 20 avqust İspaniya Superkuboku, ilk oyun 02:00. "Real" (Madrid) - "Atletiko" (Madrid) - 1:1 Qollar: Rodrigez, 81 (1:0), Qarsia, 86 (1:1)