Türkiyənin Nigde bölgəsinin Ulukışla qəsəbəsində iki polis əməkdaşı və bir yük maşını sürücüsünü qətlə yetirməkdə şübhəli bilənən şəxslər İstanbulda həbs ediliblər. Musavat.com-un Anadolu agentliyinə istinadən verdiyi məlumata görə, terrorçularla əlaqəsinin olduğu bildirilən şəxslərdən 2-si Azərbaycan vətəndaşıdır. Saxlanılanlar hadisənin törədildiyi Ulukışla qəsəbəsinə aparılıblar.
Xatırladaq ki, martın 20-də Ulukışla qəsəbəsində reyd zamanı saxlanılan avtomobildə olan terrorçular təhlükəsizlik qüvvələrinə atəş açıblar. Hadisə nəticəsində iki asayiş keşikçisi və terrorçuların ələ keçirdiyi yük maşınının sürücüsü həlak olub.
Qeyd edək ki, azərbaycanlı olduğu iddia edilən terrorçuların adları açıqlanmayıb. Onlardan götürülən pasportların saxta olması ehtimalı da yüksəkdir. Üstəlik, saxlanılanların azərbaycanlı olduqları nə Türkiyənin, nə də Azərbaycanın rəsmi dairələri tərəfindən hələ təsdiqlənməyib.
musavat.com
