Cənubi Koreya millisinin kapitanı və MLS-in “Los-Anceles” klubunun futbolçusu Son Hın Mindən şantajla pul tələb edən qadın dörd il həbs cəzasına məhkum edilib.
Publika.az xəbər verir ki, bu barədə "Yonhap" agentliyi məlumat yayıb.
Qadın 2024-cü ilin iyununda futbolçudan hamilə olduğunu iddia etmiş və susması müqabilində böyük məbləğdə pul tələb etməyə cəhd göstərmişdi.
Məhkəmənin qərarında qeyd olunur ki, təqsirləndirilənlər futbolçunun məşhurluğundan və bu cür cinayətlər qarşısında həssaslığından sui-istifadə edərək ona ciddi mənəvi zərər vurublar. Qadın daşıdığı uşağın atasının kimliyini heç vaxt təsdiqləyə bilməyib.
Onun şərikinə isə iki il azadlıqdan məhrumetmə cəzası verilib.
