Bu çətin dövrdə Pakistanla həmrəyliyinizə görə təşəkkür edirik. Terrorizmə qarşı qətiyyətimiz sarsılmaz olaraq qalır.
Medianews.az xəbər verir ki, bunu Pakistanın baş nazirinin müavini və xarici işlər naziri Məhəmməd İshaq Dar Azərbaycan XİN-in İslamabadda baş vermiş terror aktı ilə bağlı başsağlığına cavab olaraq X hesabında yazıb.
Qeyd edək ki, Pakistanın paytaxtı İslamabad şəhərindəki məsciddə güclü partlayış baş verib. Hadisə nəticəsində 31 nəfər həlak olub, 169 nəfər yaralanıb.