Müdafiəçi Mark Qehi “Kristal Pelas”dan “Mançester Siti”yə keçib.
Publika.az xəbər verir ki, bu barədə məşhur insayder Fabritsio Romano məlumat yayıb.
25 yaşlı futbolçu artıq “şəhərlilər”lə müqavilə imzalayıb. Sözləşmə 2031-ci ilin ortalarınadək qüvvədə olacaq. Futbolçunun maaşı həftəlik 300 min funt sterlinq (təxminən 350 min avro) təşkil edəcək və buna bonuslar da əlavə olunacaq. Yaxın vaxtlarda “Mançester Siti” Mark Gehinin transferini rəsmi şəkildə elan edəcək.
Hazırda “Mançester Siti” İngiltərə çempionatının turnir cədvəlində ikinci pillədə qərarlaşıb. Pep Qvardiolanın komandası lider “Arsenal”dan yeddi xal geri qalır.
Qeyd edək ki, “Siti” qış transfer pəncərəsində 75 milyon avroya Antuan Semenyonu transfer edib.
