“Rusiyanı xilas etmək mümkün deyil” – Siyasi şərhçi

“Avrasiyada təhlükəsizlik arxitekturası gözlərimiz önündə, şahidliyimiz və bəzən də iştirakımızla dəyişir”. Politoloq Xaqani Cəfərli bu fikirdədir. Politoloq Medianews.az-a açıqlamasında deyib ki, Rusiyanın Ukraynaya qarşı işğalçılıq siyasətinə, bütövlükdə Moskvanın imperiya siyasətinə etiraz edən hər bir şəxs Rusiya mərkəzli avrasiyaçılığın dağılmasının iştirakçısıdır: “Rusiyanın təcavüzkar siyasətini pisləyən, belə status və yayımları bəyənən, paylaşan və şərh yazan hər bir şəxs Moskvanın imperiya siyasətinə qarşı mübarizənin iştirakçısıdır. Rusiya artıq regionun hakimi deyil. Hətta regional lider və güc mərkəzi də deyil. Rusiyanın geosiyasi çəkisi azalaraq yox olmaq mərhələsinə daxil olub. Rusiyanın geosiyasi gücü Ukraynanın şərq vilayətlərində ağır itkilərlə müşayiət olunan səngər döyüşü aparmaqdan, bəzi KİV-lərdəki saxta tərifdən ibarətdir. Beynəlxalq Cinayət Məhkəməsinin hərbi cinayətlərdə suçlu bilib həbsinə order verdiyi Putinin xammal ixracı üzərində qurduğu iqtisadiyyat çökür. Dövlət büdcəsinin üçdə birini təmin edən neft sənayesi ən ağır günlərini yaşayır. Raşizmin təbliğat maşını da Rusiyanı bürüməkdə olan fəlakəti görməyə və həyəcan təbili çalmağa başlayıb. Lakin hər şey çox gecdir. Rusiyanı xilas etmək, tarixin inkişaf qanunauyğunlunu dayandırmaq mümkün deyil”. Nailə Qasımova, Medianews.az