Naxçıvanda gənc qızın kredit vədi ilə insanları aldatdığı aşkarlanıb.
Naxçıvanın Daxili İşlər Nazirliyindən Medianews.az -a bildirilib ki, Naxçıvan Muxtar Respublikasında vətəndaşlara qarşı törədilən kiberdələduzluq faktı ilə bağlı polis əməkdaşları tərəfindən əməliyyat tədbiri həyata keçirilib.
Daxil olmuş müraciətlər əsasında keçirilmiş əməliyyat-texniki tədbirlər nəticəsində hadisəni törətməkdə şübhəli bilinən 21 yaşlı Elnarə Bünyatova saxlanılıb.
Araşdırmalarla E.Bünyatovanın özünü bank əməkdaşı kimi təqdim edərək (070) 767-56-96, (077) 351-95-76, (070) 935-75-65, (077) 104-44-08, (077) 349-96-82 və digər nömrələr, eləcə də "TikTok" platformasında "azturan83", "turanbank_az", "azeturanbank" və "krediagro" adlı səhifələr vasitəsilə vətəndaşlara kredit veriləcəyi vədi ilə 50-yə yaxın şəxsi aldadaraq talama əməlləri törətdiyi müəyyən olunub.
Faktla bağlı araşdırmalar davam etdirilir.