Bu ölkənin keçmiş baş nazirinə sui-qəsd hazırlandı

Yaponiya dövlət televiziyasının verdiyi məlumata görə, Yaponiyanın keçmiş baş naziri Şinzo Abenin qərbdəki Nara şəhərində çıxış edərkən əli silahlı bir şəxs tərəfindən kürəyindən vurulub. O, atəş nəticəsində yerə yıxılıb və qanlar içində xəstəxanaya aparılıb.

Medianews.az xəbər verir ki, şübhəli bilinən şəxs hadisə yerində nəzarətə götürülüb. Hadisə yerində olan şəxslərin sözlərinə görə, NHK müxbiri və 67 yaşlı Abe danışarkən ard-arda iki partlayış səsi eşidilib.
Kyodo News keçmiş baş nazirin huşsuz olduğunu və infarkt keçirdiyini bildirib.

Xatırladaq ki, Yaponiyanın keçmiş baş naziri Abe 9 il əvvəl Marmaray açılışı üçün İstanbula səfər etmiş, pandemiya səbəbiylə 2020-ci ildə istifadəyə verilən Başakşehir Çam və Sakura Şəhər Xəstəxanasının açılışına video konfransla qatılmışdı. Xəstəxananın açılışında Ş.Abe sağlamlığın simvolu olan şam ağacının və Yaponiyanın simvolu olan Sakuranın əbədi olaraq sağlamlıq gətirməsini arzulayıb.

Leyla, Medianews.az