İranda etiraz dalğası getdikcə daha açıq və simvolik xarakter alır.
Medianews.az xəbər verir ki, Gilan əyalətində etirazçılar Təhsil İdarəsinin binası önündə İranın ali rəhbəri Əli Xamneyinin təsviri olan banneri kütləvi şəkildə cıraraq yerə atıblar.
Hadisə anının videogörüntüləri müxalif mövqeyi ilə tanınan Iran International telekanalı tərəfindən yayımlanıb. Kadrlarda etirazçıların heç bir qorxu və gizlətmə olmadan Xamneyinin portretini açıq məkanda məhv etməsi əks olunub ki, bu da rejim üçün son dərəcə həssas və rəmzi məqam hesab olunur.
