Bəzi sənədlər var ki, tarixdə, sadəcə, arxiv materialı kimi qalır. Elələri də var ki, illər keçdikcə əsl dəyəri, əsl mənası üzə çıxır.
Cənubi Qafqazın taleyinə dair belə sənədlərdən biri də 2021-ci il yanvarın 11-də Moskvada Azərbaycan Prezidenti İlham Əliyev, Ermənistanın baş naziri Nikol Paşinyan və Rusiya Prezidenti Vladimir Putin tərəfindən imzalanan bəyanatdır.
Həmin sənəd 44 günlük Vətən müharibəsindən sonra yaranan yeni reallıq fonunda regionda iqtisadi əlaqələrin bərpasını, kommunikasiya xətlərinin açılmasını və uzunmüddətli sabitliyə çıxışı vəd edirdi.
Bu bəyanatın üzərindən artıq beş il keçir. İndi isə həmin vədlərə bir daha baxmaq və əsas sualı vermək vaxtıdır: Moskva bəyanatı region üçün nəyi dəyişdi, hansı nəticələri verdi və hansı məqamlar reallaşmadan qaldı?
Baku TV-də "Qarabağ xronikası" verilişinin yeni buraxılışında bu və digər suallara aydınlıq gətirilib.
