Məşhur ketogenik pəhriz də daxil olmaqla, yüksək yağlı pəhrizlər qaraciyər xərçənginin inkişafına səbəb ola bilər.
Medianews.az Lenta.ru-ya istinadən xəbər verir ki, bu barədə Massaçusets Texnologiya İnstitutunun alimlərinin araşdırmasında göstərilib.
Qeyd olunur ki, yüksək yağlı pəhrizin yaratdığı stresli şəraitdə qaraciyər hüceyrələri normal funksiyalarını yerinə yetirməyi dayandırır və sərt şəraitdə yaşamalarını asanlaşdıran daha ibtidai vəziyyətə qayıdır. Zamanla bu dəyişiklik orqanın funksionallığını azaldır və onu şişin inkişafına qarşı xeyli həssas edir.
Alimlər siçanlar üzərində təcrübələr apardılar və nəticədə yağlı qidaların uzun müddətli istehlakının demək olar ki, bütün iştirakçılarda qaraciyər xərçənginin inkişafına səbəb olduğunu müəyyən ediblər.
Həmçinin, oxşar dəyişikliklərin insan qaraciyər toxumasında da baş verdiyi aşkar edilmişdir: orqanın normal fəaliyyətindən məsul olan genlər bastırılır, şiş böyüməsini təşviq edən şərtlərlə əlaqəli genlər isə aktivləşir.
Medianews.az
