Son günlər Xalq şairi Ramiz Rövşənin səhhətində bir qədər nasazlıq yaranması haqda gəzən söz-söhbətlər qələm dostu Rüstəm Behrudinin də narahatlığına səbəb olub.
Şair Rüstəm Behrudi sentyabrın 1-də Ramiz Rövşənlə telefonla danışıb. Medianews.az-ın məlumatına görə, Rüstəm Behrudi həmin söhbətin məzmununu sosial şəbəkə istifadəçiləri ilə də bölüşüb. O, yazıb:
“Ramiz Rövşən - ustad şairimiz. Buna söz yox! O həm də dəyərli bir dostdu. 30-40 illik dostluğumuz var! Bizi bir zamanlar dəyərli ədəbiyyat adamı Natiq Səfərov tanış eləmişdi, qəbri nurla dolsun!
Sentyabrın 1-də Ramizə əhvalını soruşmaq üçün telefon açdım. Çox şükür, sağlamlığı yerində. Bir az da yazı-pozudan danışdıq. Belə bir dialoq keçdi aramızda:
NƏ YAZMIŞIQ KİFAYƏTDİ,
BUNDAN SONRAKI QƏNİMƏTDİ...
Sağollaşıb, vidalaşdıq. 5 səqiqədən sonra Ramizdən zəng gəldi:
- Dediyimə arxayınlaşma, bayaq dediyim sözlər
TƏNBƏLLİYƏ BƏRAƏTDİ!
Sənə cansağlığı, sağlam ömür arzulayıram, qardaş - "sözün tozuni almaq"dan daha çox, onu layiq olduğu məqama qaldıran adam!”
Toğrul Əli,
Medianews.az
