Azarkeşlərə söz verdi: müharibədən sonra...

“Şaxtyor”un idman direktoru Dario Srna Donetsk klubunun azarkeşlərinə söz verib. Publika.az xəbər verir ki, funksioner bəyan edib ki, müharibə başa çatdıqdan sonra Rinat Axmetovun stadiona qayıtması üçün əlindən gələni edəcək. “Müharibədən sonra azarkeşlərə söz verirəm ki, prezidentimizin “Şaxtyor”u canlı izləməsi üçün hər şeyi edəcəyik. Qəti söz verə bilmərəm, çünki bu hələ onun qərarıdır. Amma inanıram ki, bu, komandanın arzusudur, azarkeşlərimizin arzusudur – Ukrayna futbolu, “Şaxtyor” üçün, Ukrayna üçün çox işlər görmüş bir insanı görmək, onun öz klubunu və komandasını canlı izlədiyini görmək”, – “Şaxtyor”un mətbuat xidməti Srnadan sitat gətirib.