Fransada özünü hipnoterapevt adlandıran və seriyalı təcavüzkar olduğu ortaya çıxan şəxsin məhkəməsi başlayıb.
Medianews.az xəbər verir ki, bu barədə Franceinfo məlumat yayıb.
İddia edilir ki, keçmiş rəqs müəllimi Siril Z. sosial mediada ağrı, asılılıq, fobiya və depressiyadan xilas olacağına söz verərək terapevtik hipnoz seansları reklam edib. Lakin əslində o, ondan kömək istəyən qadınlara narkotik verib və onları təcavüz edib. Bəzi hallarda o, cinayətləri lentə alıb.
Prokurorluğun məlumatına görə, keçmiş rəqs müəllimi 2010-2021-ci illər arasında 14 qadına qarşı zorakılıq edib. İstintaq zamanı o, ona qarşı irəli sürülən ittihamların əksəriyyətində özünü günahkar bilib. Onu 20 il həbs cəzası gözləyir.
Medianews.az
