Rusiyanın Yekaterinburq bölgəsində valideyn nəzarəti olmadan qalan səksən iki uşaq saxlanılıb.
Medianews.az xəbər verir ki, bu barədə məlumatı Ura.ru bildirib.
Saxlanılan uşaqlardan 78-i Sverdlovsk vilayətinin sakinləri, ikisi Rusiyanın digər bölgələrindən, ikisi isə xarici ölkə vətəndaşlarıdır.
Reydlər zamanı təxminən 60 yetkin şəxs inzibati məsuliyyətə cəlb edilib, onlardan 46-sı uşaq tərbiyəsi ilə bağlı vəzifələrini düzgün yerinə yetirməməkdə ittiham olunub.
Polis əməliyyatda 200-dən çox insanın iştirak etdiyini bildirib. Rusiya Milli Qvardiyasının, könüllü dəstələrin, yetkinlik yaşına çatmayanların işləri üzrə komissiyaların, təhsil, səhiyyə, sosial və gənclər siyasəti qurumlarının nümayəndələri də profilaktik reydlərə qoşulublar.
Medianews.az
