Arktika ölkələri, yerli xalqlar və ətraf mühit problemləri ilə məşğul olan Arktika Şurasının 7 ölkəsi martın 3-də Rusiyanın Ukraynaya müdaxiləsi ilə əlaqədar şurada iştirakını dayandırdıqlarını açıqlayıb.
Medianews.az xəbər verir ki, Kanada, Finlandiya, İslandiya, Danimarka Krallığı, Norveç, İsveç və ABŞ – dan ibarət 7 ölkə dünən Kanadanın Ottava şəhərində bir araya gələrək toplantı keçirib.
Yığıncağın sonunda ortaq bir şərh verən Arctic Seven, “3 martdan etibarən bu ölkələrin nümayəndələri Arktika Şurasının işlərinin davam etdirilməsinə imkan verəcək üsulları araşdırdı”,-deyə bildirib.
“Arktika Şurasının ekoloji əməkdaşlıq üçün davamlı dəyər olduğuna əmin olaraq, biz bu foruma və onun mühüm işinə dəstəyimizi bir daha bildiririk. Biz Arktika Şurasında Rusiya Federasiyasının iştirakını nəzərdə tutmayan layihələr üzrə məhdud əsaslarla işimizi bərpa etməyi hədəfləyirik”,-deyə şərhdə bildirilir.
Qeyd edək ki, şuraya 2021-2023-cü illərdə başçılıq edən Kanadanın Rusiya səfirliyi birgə bəyanatdan sonra Şimal qütbünün xəritəsini paylaşaraq, Rusiya olmadan Arktika Şurasının olmayacağını bildirib.
Leyla, Medianews.az