Həkimlər metal bolt udan kişini xilas ediblər

Rusiyada diş həkimi kreslosunda kişi metal bolt udub. Medianews.az xəbər verir ki, xəstəni cərrah, diş həkimi xilas edib. Rusun sözlərinə görə, stomatoloqa baş çəkərkən implantı bərkitmək üçün istifadə edilən alət uçub və xəstə onu refleksli şəkildə udub. Təxminən üç santimetr ölçüsündə olan metal bolt təbii olaraq çıxmayıb, bundan sonra kişi həkimə müraciət etmək qərarına gəlib. Cərrahiyyə şöbəsinin müdiri Aleksey Novikov yad cismin nazik bağırsaqda olduğunu müəyyən edərək, onu əllə yoğun bağırsağa köçürüb. Bununla belə, alət rusun bədənində qalmaqda davam edib. Daha sonra həkimlər endoskopik üsula əl ataraq boltu çıxarıblar. Həkimlər deyib ki, bu, kifayət qədər maraqlı və ciddi haldır, çünki iti metal yad cisimlər qanaxmaya və ya bağırsaq divarının perforasiyasına səbəb ola bilər ki, bu da ağır nəticələrə, hətta ölümə səbəb ola bilər. Xəstənin hazırda özünü yaxşı hiss etdiyi, həyatı üçün təhlükə olmadığı bildirilir. Medianews.az