Əkrəm İmamoğlunun anasından DUYĞUSAL AÇIQLAMA

Sosal şəbəkələrin Türkiyə seqmentində və Türkiyə mediasında İstanbul böyükşəhər bələdiyyəsinin sədri Əkrəm İmamoğlunun anası Həvva İmamoğlunun videosu yayılıb. Medianews.az bildirir ki, bu video Həvva İmamoğlunun əri Həsən İmamoğlu ilə birgə jurnalistlərə verdiyi müsahibədən götürülüb. Əkrəm İmamoğlu həbs ediləndən sonra verdikləri müsahibədə İstanbul böyükşəhər bələdiyyəsi sədrinin valideynləri övladlarından söz açıblar. https://youtu.be/NOmGiDtAYUs?si=Gi2A8hBCdsYLOUZE Medianews.az qeyd edir ki, müsahibənin Həvva İmamoğlunun danışdığı hissəsi sosal şəbəkələrdə və Türkiyə mediasında əsasən “Əkrəm İmamoğlunun anasından duyğusal açıqlama” başlığı altında yayılıb. Martın 19-dan həbsdə olan Əkrəm İmamoğlu artıq anasının açıqlamasına münasibət bildirib. Onun “Üzülmə, ana, bu günlər keçəcək...” mesajı İstanbul böyükşəhər bələdiyyəsi sədrinin “X” sosial şəbəkəsindəki hesabında yerləşdirilib. Xatırladaq ki, 1970-ci il təvəllüdlü Əkrəm İmamoğlu 2019-cu ildən İstanbul böyük şəhər bələdiyyəsinin başçısıdır. 2025-ci il martın 19-u səhər İstanbul Prokurorluğu Əkrəm İmamoğlu da daxil olmaqla xeyli adamı ağır ittihamlarla həbs edib. Hazırda istintaq gedir. Əkrəm İmamoğlu İstanbulda polis idarəsində saxlanılır. Medianews.az