Gözlər bu xəstəliyə işarə edə bilər  

"Gözün rəngli hissəsinin ətrafında boz halqaların görünüşü və dırnaq lövhələrinin qalınlaşması ürək xəstəliyini göstərə bilər”. Medianews.az xəbər verir ki, bunu terapevt Bhavini Şax deyib. Həkimin sözlərinə görə, ağrı, döş qəfəsində sıxılma, ürək ritminin pozulması və yorğunluq kimi ürək xəstəliklərinin məlum əlamətləri ilə yanaşı, gizli əlamətlər də var. Onlardan biri dırnaq lövhələrinin qalınlaşması və genişlənməsidir. Gözün irisinin ətrafındakı boz halqa da ürək problemlərini göstərə bilər. Mütəxəssis izah edib ki, bu, qan damarlarını bağlayan yağlı maddə olan yüksək xolesterol səviyyəsinin əlaməti ola bilər. Koronar arteriyalar vasitəsilə qan axınının pozulması ürək əzələsinin zədələnməsinə səbəb ola bilər. Bu da koronar ürək xəstəliyinə xasdır. Medianews.az