Vitamin əlavələri təhlükəlidir? – Açıqlama

“Vitamin əlavələrinin qəbulu xərçəngdən qorumur və bəzi hallarda, əksinə, bədxassəli hüceyrələrin böyüməsinə səbəb olur” Medianews.az xarici mediaya istinadən xəbər verir ki, bunu onkoloji qidalanma mütəxəssisi Nikol Endryusdeyib. Endryu insanları xərçəngdən qorunmaq üçün vitamin kompleksləri axtarmamağa və almamağa çağırıb. O izah edib ki, vitaminlər və minerallar həqiqətən bədxassəli şişlərin inkişafının qarşısını almağa kömək edə bilər, lakin böyük dozalarda əks təsir göstərir. “Həkim təyin etmədikcə, heç bir əlavə qəbul etmirəm. Mən bütün qidalarımı yalnız yeməkdən alıram" diyetoloq bildirib. Böyük Britaniyanın Milli Səhiyyə Xidmətinə görə, beta-karotin əlavələrinin qəbulu, xüsusilə siqaret çəkənlərdə ağciyər xərçənginə səbəb ola bilər. Bundan əlavə, bir sıra araşdırmalara görə, dəmir, fol turşusu və B12 vitamini ilə nəzarətsiz əlavələr də xərçəng hüceyrələrinin böyüməsi ilə əlaqələndirilir.