Bu ölkədə uçuşlar təxirə salındı

Böyük Britaniyada yağan güclü qar nəqliyyata mənfi təsir göstərib və bir çox uçuşların dayandırılmasına səbəb olub. Xüsusilə ölkənin şimal-qərbindəki Lids Bradford, Mançester və Liverpul Con Lennon hava limanlarında uçuş-enmə zolaqları bağlanıb. Medianews.az “Sözcü”yə istinadən xəbər verir ki, meteorologiya rəsmiləri İngiltərənin mərkəzi və Uelsin böyük hissələri üçün ikinci dərəcəli qar xəbərdarlığı edib. Güclü qar və buzlanma səbəbindən hava limanlarında uçuşlar ləğv edilərkən, uçuşlarda böyük gecikmələrin ola biləcəyi bildirilib. Hava şəraiti ilə əlaqədar olaraq sərnişinlərə səyahətə çıxmazdan əvvəl uçuş statuslarını yoxlamaları tövsiyə olunur. Xüsusilə Mançester və Liverpul kimi çox istifadə edilən hava limanlarında hava nəqliyyatı tamamilə dayanıb. Meteoroloji xəbərdarlıqlara ciddi əməl edilməli olduğu vurğulanıb. Qar və buzun davam edəcəyi təqdirdə Böyük Britaniyada daha çox hava limanının bağlana biləcəyi proqnozlaşdırılır.