Turan.az saytı bağlandı

Yaradıcı fəaliyyətini dayandırdığını fevralın 13-də oxuculara, bir hüquqi şəxs (Məhdud Məsuliyyətli Cəmiyyət) kimi ləğv olunduğunu isə martın 11-də kreditorlara elan edən “Turan” İnformasiya Agentliyinin internet səhifəsi – Turan.az saytı da qapanıb. Yaradıcı fəaliyyətini dayandırdığını elan edəndən sonra Turan.az faktiki yenilənməsə də, oxucunun üzünə açılırdı. Martın 11-dən artıq sayta giriş mümkün deyil. 1990-cı ildə yaradılmış “Turan” agentliyinin qurucusu Mehman Əliyev Medianews.az-a açıqlamasında saytın qapanmasının texniki xəta yox, “Turan”ın fəaliyyətini dayandırması prosesinin tərkib hissəsi olduğunu söyləyib. Turan.az saytında materiallar Azərbaycan, rus və ingilis dillərində yerləşdirilirdi. Nailə Qasımova, Medianews.az