Media
Instagram-ın yeni dinamik profil fotoşəkili xüsusiyyəti foto və avatarı eyni anda göstərməyə imkan verir.
Medianews.az xəbər verir ki, Instagram istifadəçilərə həm profil şəkillərini, həm də avatarlarını nümayiş etdirməyə imkan verən yeni dinamik profil şəkli seçimini elan edib. Bu yeniləmədən əvvəl ya profil şəkli, ya da profil avatarı arasında seçim edilməli idi. İndi bu ikisinin ardıcıl olaraq görünməsi təmin olunacaq.
Şirkətdən verilən açıqlamada bildirilib ki, artıq profil şəklinizi və avatarınızı bir çərçivədə birləşdirə bilərsiniz:
“İstəyənlər profil şəklinizə klikləməklə avatarınızı görə bilərlər. Profil şəklinə dəyişdirilə bilən avatar əlavə etmək üçün “Profili redaktə et” bölməsinə daxil olmalısınız. Avatarınızı əlavə etdikdən sonra profil şəklinin dinamik dəyişdirilməsi seçimi avtomatik olaraq işə salınır”.
Meta təxminən bir il əvvəl Instagram-a avatarlar gətirdi və indi dinamik profil şəkli funksiyasının əlavə edilməsi ilə onları tətbiq daxilində daha görkəmli etmək üçün çalışır. Şirkət ilk dəfə 2020-ci ildə Snapchat-ın Bitmoji ilə rəqabət aparmaq üçün avatarlarını təqdim etdi və o vaxtdan bəri onu Instagram, Facebook, WhatsApp və Messenger-də daim yeniləyir.
Medianews.az
