Səhər süfrəsindən salatlara qədər geniş istifadə olunan zeytun bəzən yetişmə prosesində uzun müddət budaqda qaldığı üçün acı dad ala bilir. Bu səbəbdən bir çox hallarda acı zeytunlər istifadə olunmadan atılır. Halbuki sadə və təbii üsullarla zeytunun acılığını tamamilə aradan qaldırmaq mümkündür.
Medianews.az xəbər verir ki, mütəxəssislərin sözlərinə görə, zeytunun acı dadının azalması üçün ən çox tətbiq olunan üsul suyun mütəmadi dəyişdirilməsidir.
Bunun üçün zeytunlər yüngülcə kəsilir və ya sındırılır, üzərinə su əlavə olunur. Su hər gün dəyişdirilməklə acılıq yaradan maddələr tədricən çıxarılır. Proses adətən 10–15 gün çəkir.
Digər üsullardan biri iri dənəli daş duzundan istifadədir. Kəsilmiş zeytunlar duzla qarışdırılaraq bir neçə gün saxlanılır. Duz zeytunun tərkibindəki acı suyu çəkir. Daha sonra zeytunlar yuyularaq duzlu suda saxlanılır.
Acılığın tez aradan qalxması üçün limonlu su da tətbiq olunur. Kəsilmiş zeytunlar limon dilimləri əlavə edilmiş suda 7–10 gün saxlanılır və su gündəlik dəyişdirilir.
Ənənəvi üsullardan biri də kül suyudur. Odun külündən hazırlanan məhlulda zeytunlar qısa müddət saxlanılır. Daha sonra zeytinlər duzlu suda saxlanılaraq təhlükəsiz şəkildə istehlak edilir.
Bu üsullar zeytunun təbii dadını qorumağa və onu daha ləzzətli hala gətirməyə imkan verir.
Medianews.az
