Məşhur braziliyalı bloger Aline Kristina Dalmolin avtomobil qəzasında həlak olub.
Medianews.az xəbər verir ki, blogerin avtomobili elektrik dirəyinə çırpılıb.
Dalmolin həmin vaxt sərnişin oturacağında olub. Toqquşma nəticəsində o, kəllə-beyin travması alıb və qolunu itirib. Qadın xəstəxanaya aparılarkən yolda ölüb.
Qəzanı törədən qadın sürücü hadisə yerindən qaçmağa cəhd etsə də, polis tərəfindən saxlanılıb. İlkin məlumatlara görə, o, sərxoş vəziyyətdə dirəyə çırpılıb. Qadın, adam öldürmə maddəsi ilə ittiham olunub.
Tezliklə o, 30.000 Braziliya realı girov müqabilində azadlığa buraxılıb.
Medianews.az
