“Güclü dəmlənmiş çay ürək yanmasına səbəb ola bilər”.
Medianews.az xəbə verir ki, bunu qastroenteroloq Yekaterina Kaşux deyib.
Həkim izah edib ki, yaşıl və qara çay eyni bitkidən hazırlanır. Yeganə fərq fermentasiya dərəcəsindədir. O, əlavə edib ki, yaşıl çayda daha çox katexin antioksidanları var, qara çay isə antioksidan xüsusiyyətləri olan digər birləşmələrlə - teaflavinlərlə zəngindir.
Kaşuxun sözlərinə görə, içkinin sağlamlıq üçün faydaları çayın növündən deyil, necə hazırlanmasından asılıdır. Həddindən artıq tünd çay (həm qara, həm də yaşıl), xüsusən də acqarına içildikdə, ürək yanmasına səbəb ola və dəmirin udulmasına mənfi təsir göstərə bilər.
O, həmçinin həssas mədəsi olan insanlar üçün tünd yaşıl çayın qara çaydan daha zərərli olduğunu da qeyd edib.
Medianews.az
