Körpənin əhval-ruhiyyəsini  yaxşı edəcək ÜSUL

Valideynlərin körpələrinə oxuduqları qısa mahnılar körpənin əhvalını yaxşılaşdırmaq və körpə ilə valideyn arasında əlaqəni gücləndirmək üçün təsirli bir yol ola bilər. Medianews.az xəbər verir ki, bu barədə beynəlxalq alimlər qrupu Child Development jurnalında məlumat verib. Təcrübədə 110 valideyn-körpə cütü iştirak edib, körpələr orta hesabla dörd aylıqdır. Valideynlər iki qrupa bölünüb: birindən dörd həftə ərzində smartfon vasitəsilə musiqi proqramını izləmək və uşaqlarına daha tez-tez mahnı oxumaq tapşırılıb, ikinci qrup isə nəzarət qrupu kimi fəaliyyət göstərib. Nəticələr göstərib ki, proqramdan istifadə valideynlərin mahnı oxuma tezliyini əhəmiyyətli dərəcədə artırdı, xüsusən də uşağın sakitləşdirilməsi lazım olduğu hallarda. Bu, öz növbəsində, valideynlərin gündəlik hesabatlarına görə, körpələrin ümumi emosional vəziyyətinə müsbət təsir edib. Oxumaq uşağınızla emosional bağları gücləndirmək və stress səviyyələrini azaltmaq üçün əlçatan və təsirli bir yoldur. Bu, heç bir xüsusi avadanlıq və ya təlim tələb etmir. Medianews.az