Qvardiolanın belə günü olmamışdı

Pep Qvardiola bir mövsümdə məğlubiyyətlə bağlı şəxsi antirekordunu qırıb. Publika.az xəbər verir ki, mayın 17-də ispan mütəxəssisin rəhbərlik etdiyi “Mançester Siti” İngiltərə kubokunun finalında "Kristal Pelas” a uduzub (0:1). “Şəhərlilər”in baş məşqçisi bu mövsüm 16-cı matçında məğlub olub. Bu, onun bütün məşqçilik karyerasında ən pis göstəricidir. Qvardiola İngiltərədə işləməmişdən əvvəl “Barselona” və “Bavariya”nı çalışdırıb.