“Qarabağ” “Şelburn”u məğlub edib III təsnifat mərhələsinə yüksəldi

UEFA Çempionlar Liqasının II təsnifat mərhələsində “Qarabağ” və “Şelburn” komandaları arasında cavab görüşü keçirilib. Medianews.az verir ki, iyulun 30-u Tofiq Bəhramov adına Respublika Stadionunda təşkil edilən matçı İtaliyadan olan hakimlər briqadası idarə edib. Matçın 44-cü dəqiqəsində rəqibin heyətində Con Martin avtoqol müəllifi olub. Başqa qol qeydə alınmayıb. 68-ci dəqiqədə “Qarabağ”ın oyunçusu Kadi Borges penaltini qola çevirə bilməyib. Oyun 1:0 hesabı ilə başa çatıb. Beləliklə, Ağdam təmsilçisi III təsnifat mərhələsində FKSB (Rumıniya)-“Şkendiya” (Şimali Makedoniya) cütünün qalibi ilə qarşılaşacaq. Xatırladaq ki, “Qarabağ” və “Şelburn” komandaları arasında İrlandiyada baş tutan ilk matçda “Qarabağ” 3:0 hesablı qələbə qazanmışdı.